لأ ….. للحبيب

 

لأ ….. للحبيب

…..

…..

فوق الســـحاب البـــدر تـاب عن نظرتـُه

وراح يـداري فِ الجــروح فِ مخــــدِّتـُه

يا نــاس حــرام البــدر يبكي ف خـطبتـُه

…..

قمرنا عام يوم فِ الغرام شــاف سِــكِّتـُه

صَبـَّح وقال مليـون ســــلامه لنســــمِتـُه

والورد كان وِسْـــطِ الحــبايب همسِــــتـُه

وحبيبـــــه زَيِّ الــورد كـله ف هـيئـتـُــه

بس الزمـــان خـَـلاَّه يغِـيب ف مجـِــيـِّتـُه

وغـاب وســاب غرامه يبني ف عِشـِّـتـُه

تعالىَ شُــــوف الليله يا نـُور شـــــمعِتـُه

شــايف شـجونه ازَّاي وشـايف سَـكْتِتـُه

جَيِّ الغـريب يطـلب حـنانــه وعِشـْــرِتـُه

…..

يا عـود ريحـان شـايف زمانـَّا وقسـوِتـُه

دَوِّب قلــــوب البُعـــــد بينـها لِعـبِتـُــــــه

فاكـــر مُقَابْـلِة حـبهم في رَمشِـــــــتـُه ؟

وعـود ريحـان زَيَّـك تمـام في صُحـبِتـُـه

زَهَّـر يا عـود واطـرح وعـود في دنيتـُه

خَلِّيــــه يعـــود ويَّـــا الخــدود لبســـمته

دَ البدر رايح فِ الشجون شوف دمعته

…..

يا زَهرَه حــلوه من البنفســـج جَامْـلِتـُه

هِديَّـــــــه كانت مِ الحبيب ف مقـابلتـُـه

يا كــــاس بيملاه الخـليـــــــل بمحـبتـُـه

سِــــمعتي من بين الشــــــفايف كلمتـُه

ورُحْـتي ياما مع حَـنـَـــاوِة لَمْسِـــــــتـُه

وحُـبــُّــه ويَّا كل شــُــــوقه ف ضَمـِّتـُـه

تِجِـيش تقـولي للزمـــان ليـه غـضبتـُه

تعالي شـــوفي البــدر راحت ضِحْكِتـُـه

…..

يا وِدْ بـِــدِّي البــــــدر يفـرح فَـَرْحِـتـُـه

تعالىَ قـــــول للحُــزْن يخـلع طـَرْحِـتـُه

خـَلِّي الزمــان يرجع بنــوره وبهجـتـُه

بلاش يخـلِّي الظـُلْم لِعْـبَــه ف ضَلْمِتـُه

…..

رفـرف يا بلبـــل للغـرام قـول غـنوتـُه

رَجَّـع ســلام القلب رَجَّـع هَـمــْسِـــتـُه

وابعِد بعيد عنـه الغريب يوم خطبتـُـه

ده كــــل حـُبُّــــــه للحـبيب ومْعَــزِّتـُـه

…..

بقلم محمود مرسي

…..