زهر البسلة

زَهـْـــر البسِــــلَّة

.....

زَهـْـر البسِـــــلة على العيـــدان بيميـــل* * * * *شِــــمال ويمين وشـــمال ويميـل ويميـل

.....

والشـمس فارشــه في الغيطــان نورها* * * * *تِدَهَّب بيه طروف الزرع بعـــــد الليـــــــل

.....

وتلألأ بالشـُــعاع نقطـة ندى كات نايمـه* * * * *لكن نـَوِتْ بعد الشُــــعاع شَـــــد الرحيــل

.....

كات نايمه بين أحضـان زهْرة بسِــــــلة* * * * *جمالها خلَّى ناحيتها العيـــــون بتميـــــل

.....

طَرحـِــة عزيزه هزِّت الزهـره بطروفها* * * * *نقطة ندى وقعت؟ والا الدموع بتســـيل؟

.....

تشــتكي لي م الصبيه لما هزت غصنها* * * * *وتداري فيها الغيره م الحُسْــــن الجميــل

.....

حُسـْـن الصبيه بزلعـِـة المَيَّــه تمايلها و* * * * *تتمايـــِـــــل هِيَّ تحتها مع كل ميـــــــــل

.....

يلمع في نور الشمس فســتانها القطيفه* * * * *ويبقى لونه بين الفضــه والرمش الكحيل

.....

والطرحه هَفـَّه من فوقِيْه مع كل نسمه* * * * *والموج فِ هزة جســـمها الغـَض الطويـل

.....

ولاقيت عنيـَّـــه رايحـــــه بتابـع عزيزه* * * * *تتوه في رَمشِــة عينها وسَــوَادها التـِئِيل

.....

ولاقيت شــــفايفي اتحركت بتقول لها : ـ* * * * *عزيـزه هاتي عنــــك الزلعـــه أشـــــــــيل

.....

بَصِّتْ وهَـزِّتْ كِتفها مع بســــمه حلـوه* * * * *إتميِّــــلِت من بعــــــدها زي النخيـــــــــل

.....

واجمل شــفايف شـــفتها راحت تقول : ـ* * * * *زين الرجـــــــال إنت ماليــــك حمل الزلع

.....

البنت ليها الزلعــــــه تملاها وتـُعـُــــود* * * * *والصبي ليه الغيطان بإديه وفاسه تنزرع

.....

ــــ حُســْـــنِك ناداني يا صبيـــه وانـــا* * * * *م الحُسـْــــن حــــــالاً تِلتِــقِي قلبي وِلِـــع

.....

راحت عنيها الســـود تِرَمِّش من جديد* * * * *وعنيَّـــــــه تتعـلق بها وبرمشــــــــــــها

.....

هَزِّت براســها الزلعه والبســـمه تزيــد* * * * *واتمَيِّـلِت بجســــــــــمها من تحتهــــــــا

.....

ورنت الخَلاخِيــــــــل بتتمشَّى بعيــــــد* * * * *قلت لها : اســــتنِّي يا عزيزه وفُتـَّــــهــا

.....

وقطفت من غيط البســله زهور جميله* * * * *جمـــال عزيزه فاق جمالها وحســـــــنها

.....

مدِّيت إديـَّــــه للصبيــــــــه بالزهــــور* * * * *راحت إيديها بالزهــــــور وســــــــــيبتها

.....

وعنيـَّـــــه فضلت عندها لســـــــحرها* * * * *وســـــحر كل بســــــمه منها شـــــــفتها

.....

زهــر البســــلة على العيــدان بيميـــل* * * * *شــــمال ويمين وشــــمال ويميـل ويميـل

.....

بقلم محمود مرسي

.....

---